ESAD Galicia - Actividades e eventos

ACTIVIDADES

Ven á nosa escola e coñece os estudos de Arte Dramática
Do 17/09/2012 ao 31/07/2013
PRESENTACIÓN
Para este curso 2012/13 a ESAD de Galicia presenta unhas xornadas para dar a coñecer as distintas especialidades en Arte Dramática:
- Interpretación
- Dirección escénica e Dramaturxia
- Escenografía

A QUEN VAN DIRIXIDAS?
Tanto á comunidade educativa (centros de secundaria, centros superiores e universitarios...) como aos colectivos interesados nas artes escénicas (grupos e asociacións de teatro, centros de xuventude...).

EN QUE CONSISTEN ESTAS VISITAS?
Existen dúas maneiras de achegarse a elas:

VEN Á ESAD DE GALICIA
Ofrécese aos visitantes ao noso centro en Vigo un percorrido de carácter práctico, participativo e divertido onde se poderán "vivenciar" os diferentes procesos de traballo dos oficios teatrais impartidos na escola.

VISITAMOS O TEU CENTRO DE ESTUDOS
(Para centros de Bacharelato)
Presentamos no voso propio centro educativo os diferentes percorridos que a ESAD está a impartir: materias, saídas profesionais... co fin de achegarnos ao alumnado dun xeito cercano e directo.

Para asistir a estas actividades deberá realizarse previamente a reserva chamando ao 619 910 937 ou a través de comunicacion@esadgalicia.com
PARTICIPANTES

> Visita do IES Val do Tea (Ponteareas)
> Visita do IES Alexandre Bóveda (Vigo)